Sot do të mbahet edhe nata finale e “Kënga Magjike”, ku do të shpallet edhe fituesi i këtij festivali. E siç dihet praktika, disa nga këngëtarët nuk kanë arritur të kualifikohen për në natën e madhe. Një prej këtyre këngëtareve është dhe Rovena Stefa, e cila ishte pjesë e garës me këngën “Veç një jetë”.
Ajo ka reaguar me anë të një postimi në Instagram, ku shprehet e indinjuar për garën. Këngëtarja shkon më tej, ndërsa e konsideron natën e sotme një mbrëmje intrigash për votat.
Postimi i Stefës në profilin e saj në Instagram
“Nuk do të jem sonte po nuk mërzitem sepse një natë e ngritur mbi intriga votash nuk më pengon të këndoj me shpirt në shumë mbrëmje të tjera për pupollin tim. E juaja Rovi”- shkruan këngëtarja./ balkanweb
