Pasi krahu i tij i djathtë Rovena Gashi u refuzua sërish nga Kolegji i Posaçëm i Apelimit, ish kryeprokurori i përgjithshem Adriatik Llalla është fotografuar nga AlpeNews.al në rrugët e kryeqytetit.
Për herë të dytë, prokurorja e shkarkuar Rovena Gashi, kërkoi të ketë përfaqësuese ligjore motrën e vet, gjyqtaren Ema Gashi. Kolegji i Posaçëm i Apelimit e rrëzoi sërish kërkesën ndërsa Gashi kërkoi më shumë kohë që motra të japë dorëheqjen si gjyqtare.
Nga ana tjetër, burimet e AlpeNews.al rrefejne se Llalla dukej i shqetësuar teksa nuk ndante telefonin e tij nga dora e dukej sikur “fliste” me veten.
Kujtojmë se ish kryeprokurori është nen hetim për katër akuza të renda: Refuzim për deklarimin, mosdeklarimin, fshehjen ose deklarimi i rremë i pasurisë, mosdeklarimit të shumave të të hollave ne kufi, pastrimit i produkteve të veprës penale, si dhe shpërdorim detyre.
