Presidenti Ilir Meta ka përshëndetur fitoren e medaljes së artë për Shqipërinë në Kampionatin Botëror të Peshëngritjes, nga sportistja Romela Begaj. Duke vlerësuar këtë fitore të peshëngritëses shqiptare, Kreu i Shtetit ka zgjedhur të urojë të gjithë ndjekësit e tij në rrjetin social “Facebook” me foton e sportistes Romela Begaj.
Të dashur miq, dua t’ju uroj një ditë të mbarë me këtë foto të Romela Begaj, e cila fitoi medaljen e artë për Shqipërinë në Kampionatin Botëror të Peshëngritjes.
