Një i ri në fshatin Mbyet të Patosit ka qëlluar me armë zjarri në ajër gjatë natës së të premtes, pa menduar se mund të binte shumë shpejt në prangat e policisë.
Uniformat blu në qarkun e Fierit bëjnë me dije se 35 vjeçari A.D është arrestuar në flagrancë pas prishjes së qetësisë publike me të shtëna nga një armë tip pushkë.
Në vendngjarje u sekuestruan si provë materiale 5 gëzhoja fishekësh si dhe arma e zjarrit,
- Njoftimi i plotë:
Prish qetësinë publike duke qëlluar me armë zjarri në ajër, policia arreston në flagrancë autorin.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:
-A.D., 35 vjeç, banues në fshatin Mbyet, Patos.
Arrestimi i këtij shtetasi u bë pasi gjatë natës ka qëlluar në ajër me armë zjarri, pushkë 20 (njëzeçe), në afersi të një Bar-Restoranti në fshatin Verbas, Patos.
Në vendngjarje është bllokuar arma e zjarrit si dhe 5 (pesë) gëzhoja model 56.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe mbajtja pa leje e armëve e municionit luftarak” dhe “Prishja e rendit dhe qetësisë publike” parashikuar nga Nenet 278/1 dhe 274 të Kodit Penal.
