Një 25-vjeçar është arrestuar nga policia, pasi ka tentuar që të korruptoj një punonjës policie.
Sipas njoftimit të forcave të rendit, i riu kërkonte përshpejtimin e procedurave të kontrollit për të dalë nga Shqipëria dhe ka tentuar ti japë një sasi lekësh një punonjësi të policisë kufitare.
Njoftimi i policisë
Goditet një tjetër rast i mitëdhënies.
I ofron ryshfet punonjësit të Policisë në dalje të Pikës së Kalimit Kufitar, me qëllim përshpejtimin e kryerjes së procedurave të kontrollit, në dalje të Shqipërisë.
Arrestohet në flagrancë nga Policia.
Specialistët e Sektorit të Hetimit të Krimit në Drejtorinë Vendore të Kufirit e Migracionit Korçë, bënë kapjen dhe arrestimin në flagrancë të shtetasit :
M.D 25 vjeç, banues në fshatin Vloçisht.
Më datë 27.12.2017, ky shtetas është paraqitur në dalje të Republikës së Shqipërisë, për të kryer veprimet e regjistrimit.
Gjatë kryerjes së procedurave në momentin kur punonjësi i policies i ka kërkuar pasaportën, shtetasi i mësipërm ia ka dhënë këtë të fundit me një kartëmonedhë të prerjes 50 Euro, në brendësi të saj, me qëllim përshpejtimin dhe shmangien e procedurave të kontrollit të dokumentacionit për kalimin drejt tokës greke.
Materialet i kaluan Prokurorisë të Rrethit Gjyqësor Korçë për veprën penale : “Korrupsioni aktiv i personave që ushtrojnë funksione publike” parashikuar nga neni 244 i Kodit Penal.
