Presidenti Ilir Meta ftoi në takim Besnik Muçin, për situatën e krijuar në Gjykatën Kushtetuese pas shkarkimit të tij nga Kolegji i Posaçëm i Apelimit.
Gjatë takimit Meta falenderoi Muçin që pranoi të ushtronte detyrën e Gjyqtarit të Gjykatësit Kushtetues.
Në një njoftim pë mediat, Presidenca informon se i kërkoi Muçit që të vlerësonte mundësinë për rishikmin e qëndrimin e tij më të fundit për të kërkuar nga Gjykata Kushtetuese që të shprehej me vendim për të deklaruar përfundimin e mandatit të tij si gjyqtar kushtetues.
“Presidenti Meta i kërkoi zotit Muçi që të vlerësonte mundësinë që të rishikonte qëndrimin e tij më të fundit për të kërkuar nga Gjykata Kushtetuese që të shprehej me vendim për të deklaruar përfundimin e mandatit të tij si gjyqtar kushtetues.
Z.Muçi i deklaroi Presidentit Meta se, procesi i rivlerësimit kalimtar i kryer në Kolegjin e Posaçëm të Apelimit ka qenë tepër diskriminues edhe për faktin e qëndrimeve të tij si gjyqtar kushtetues”, thuhet në njoftimin e Presidences.
Ndërkohë njoftohet se Presidenti Meta është në pritje të njoftimit nga Gjykata Kushtetuese për të rishpallur mënjehërë këtë vakancë për aplikim.