Kompania “Ryanair” do të operojë tashmë dhe në Aeroportin Ndërkombëtar “Nënë Tereza”, me fluturimet që do të jenë të mundura që nga vjeshta e këtij viti dhe me destinacione të reja.
Ministrja e Infrastrukturës dhe Energjisë Belinda Balluku u shpreh në fjalën e saj se Shqipëria ka ecur me hapa të mëdhenj në këtë sektor. Ajo theksoi se këtë vit vendi ynë do të presë më shumë se 6.5 milionë pasagjerë.
“Unë dua t’ju përgëzoj zoti Kastrati për ndryshimin thelbësor. 100 milionë euro investim nga momenti i marrjes së kontratës dhe jam shumë e sigurt që kjo shifër është kaluar që tani dhe ju do investoni në shumë më shumë sektorë. Po i kthehem aviacionit civil, sërish skeptikët që na thanë se bëjmë vetëm projekte 3D dhe që thonin se këtu nuk do vinin kurrë kompanitë me emër, ne nuk flasim me fjalë, por me punë dhe fakte.
Do presim më shumë se 6.5 milionë pasagjerë gjatë këtij, 10 milionë pasagjerë është reformuar për të pritur. Ne punojmë me shifrat që ishin parashikuar për vitin 2027, jemi në advancë dhe kjo kërkon impenjim të të gjithë sektorit, duke nisur nga rregullatori. Gjithashtu, duhet thënë që ajo që dukej një e ardhme e largët për Shqipërinë, me 3 aeroporte ndërkombëtare praktikisht është dita e sotme. Aeroporti i Tiranës nuk ka nevojë për reklamë se vazhdon të jetë i preferuari i shqiptarëve.”
Sipas Ballukut, kjo kompani e re që do t’i shtohet flotës ajrore të Shqipërisë do të mundësojë shërbim sa më të mirë ndaj pasagjerëve dhe konkurrencë në treg.
“Në Kukës numërohen 40 mijë pasagjerë dhe ne shpresojmë që ky numër të rritet, që është një gate tjetër ndërkomëbtar i shqiptarëve. Në vitin 2018, vetëm 7% e shqiptarëve kishin akses në aviacionin civil, për shkak të çmimit të biletave, pikave të aeroportit e shumë kompleksitete të tjera. Shqipëria njihej si një nga vendet me çmimet me të larta të biletave, ne ishim kthyer në delen e zezë të aviacionit për kompanite low cost, dhe askush nuk kishte guxim të vinte në Shqipëri dhe të investonte.
Gjithçka ka ndryshuar pas vitit 2020, ne dolëm nga kriza akoma më të fortë dhe ky ishte momenti i shpërthimit të industrisë në vendin tonë. Ajo që ne po bëjmë sot është po investojmë fuqishëm për të përmbushur të gjithë ato parametra që do na hapnin mundësitë për të ardhmen. Dua të falenderoj “Ryanair-in” që e ndërrmori këtë hap, është një kompani e konsoliduar e të cilës duhet t’i them se aviacioni civil këtu është i angazhuar për të mbrojtur të drejtat e pasagjerëve, të jesh low cost nuk do të thotë të mos respektosh të drejtat e pasagjerëve. 18 fluturime në vjeshtë, 9 prej të cilave destinacione te reja tregon se ju keni ardhur për të qëndruar gjatë dhe jemi të lutur që të mirëpresim sa më shumë kompani. Ne besojmë që me gjithë fokusin do vijojmë me investimet në këtë fushë, navigimi ajror.”
