Universiteti i Forcave të Armatosura ka hapur dyert për herë të parë 10 vite nga mbyllja e tij.
60 studentë do të jenë në vitin e parë akademik si fituesë nga 600 aplikantë në total. Ministrjae Mbrojtjes, Olta Xhaçka në ceremoninë e mbajtur në hapjen e Unviersitetit ka thënë se është dashur shumë punë e vendosmëri për ta rihapur.
Xhaçka për më tepër thotë se nëse shteti nuk investon tek njerëzit, armatimet e pajisjet janë pesë me hiç teksa shton se pas disa vitesh do të shihet si një nga momentet kyçe të ringritjes së Forcave të Armatosura.
”Është dashur shumë punë e vendosmëri për të rihapur Akademinë e FA. Mbyllja e universitetit të FA një nga gjëmat më të pakuptueshme të tranzicionit. Akademia u mbyll vetëm 1 vit pasi u anëtarësuam në NATO. Rruga e një force moderne dhe profesioniste kalon nga Akademia. Falenderoj SHBA, Turqinë, Greqinë, Italinë e Anglinë për ndihmën në arsimim gjatë këtyre viteve. Armatimet e pajisjet janë pesë me hiç nëse nuk investojmë tek njerëzit tanë. Pas disa vitesh, rihapja e AFA do të shihet si një nga momentet kyçe të ringritjes së FA
AFA, institucioni i vetëm i akredituar i arsimit të lartë në fushën e sigurisë dhe mbrojtjes. Ofron mundësi të jashtëzakonshme punësimi e karriere në FA dhe NATO. Akademia më në fund rikthehet duke plotësuar një boshllëk që ka krijuar jo pak kosto për FA. Synojmë ta ngremë AFA në nivelin e një akademie të një vendi të NATO-s.”- tha Xhaçka.
