Dy të vdekur dhe 14 të plagosur është bilanci i një ngjarjeje të rëndë të ndodhur mëngjesin e sotëm në Francë, pasi flakët e zjarrit përfshinë një resort turistik.
Ende nuk dihen shkaqet e rënies së zjarrit, por sipas autoriteteve, bilanci i viktimave mund të rritet, pasi disa prej të plagosurve kanë marrë plagë të rënda.
70 zjarrëfikëse luftuan disa orë më flakët e zjarrit dhe më në fund kanë mundur ta neutralizojnë atë. Policia ka evakuuar 60 persona, të cilët rrezikoheshin nga zjarri.
Grupi hetimor ka nisur hetimet për zbardhjen e plotë të rrethanave të ngjarjes, ndërsa deri tani po hetohet ne dy pista: rrjedhje gazi dhe defekt në linjën elektrike të resortit.
