Orët e para të mëngjesit në vendin tonë do të jenë me alternime kthjellimesh dhe vranësirash të shpeshta ku në zonat veriperëndimore do të gjenerojnë reshje shiu. Orët vijuese do të shtojnë gradualisht vranësirat në të gjithë territorin, duke sjellë dhe rrebeshe afat-shkurtra shiu ku më të theksuara do të mbeten në zonat Veriperëndimore. Ndërsa gjatë natës vonë pritet që reshjet të pësojnë dobësim të ndjeshëm, megjithatë zonat veriore dhe veriperëndimore do të vijojnë me reshje të pakta.
Temperaturat e ajrit do të pësojnë rënie të ndjeshme si në mëngjes edhe në mesditë duke luhatur vlerat ditore nga 11°C deri në 28°C. Era do të fryjë mesatare deri e fortë me shpejtësi 45 km/h nga drejtimi Veriperëndimor duke sjellë në brigjet detare dallgëzim 3 – 4 ballë.
Kosova
Republika e Kosovës orët e para të mëngjesit do të jenë me alternime kthjellimesh dhe vranësirash në të gjithë territorin e vendit. Ndërsa gjatë mesditës dhe pasdites parashikohet që vranësirat të zhvillohen duke gjeneruar rrebeshe shiu në të gjithë Kosovën. Mbeten prezente reshjet e shiut gjatë mbrëmjes dhe natës në të gjithë territorin e Kosovës, por më të fokusuara do të jenë në zonat Lindore. Temperatura maksimale do të ulen ndjeshëm deri në 24 gradë C.
Maqedonia e Veriut
Pjesa e parë e ditës parashikohet të dominohet nga intervalet me kthjellime dhe vranësira të shpeshta, të cilat pas mesdite do të pësojnë zhvillim duke sjellë rrebeshe shiu. Herë pas here priten edhe mini-stuhi të forta ere. Parashikohet që; mbrëmja dhe nata vonë të dobësojnë reshjet në një pjesë të mirë të vendit, por mbeten prezente dhe më të theksuara në zonat Verilindore. Temperaturat e ajrit do të pësojnë rënie të ndjeshme duke ulur termometrin deri në 8 gradë në mëngjes maksimumi në mesditë më shumë se 25 gradë C.
Europa
Pjesa më e madhe e kontinentit Europian do të jetë nën dominimin e kushteve të paqëndrueshme atmosferike, duke sjellë në Veri dhe Lindje të kontinentit vranësira të shumta të cilat pritet të gjenerojnë reshje shiu. Po ashtu pjesa më e madhe e rajonit të Ballkanit do të përfshihet nga rrebeshet e shiut, ku herë pas here në Ballkanin Veriperëndimor do të ketë fuqizim të parametrit të erës. Ndërsa Europa Jugperëndimore, Europa Qendrore si edhe Brigjet e Egjeut do të vijojnë me kthjellime dhe vranësira të lehta e kalimtare.
