Është rënduar situata në Spitalin Infektiv, ku po kurohen pacientët e infektuar me koronavirus.
Numri i personave që po shtrohen për të marrë kujdes shëndetësor është në rritje, ndërsa vetëm dje u pranuan 20 pacientë të rinj.
Deri më tani në këtë shërbim po marrin kujdes shëndetësor 81 pacientë. Mësohet se të shtruar ka edhe pacientë që i kanë marrë të dyja dozat e vaksinës Pfizer.
Nëse kapacitetet tek Infektivi ezaurohen, ish-kirurgjia do të kthehet sërish në spital COVID.
