Ministri Arben Ahmetaj ka folur i revoltuar nga foltorja e Kuvendit, pas fjalës së deputetit Valteri i cili tha se shqiptarët po varfërohen dhe s’kanë mbështetjen e qeverisë.
Ahmetaj tha se me taksën progresive mazhoranca socialiste u ktheu shqiptarëve 110 milion dollarë.
Ndërsa për akuzat e deputetit Valteri për lidhje të qeverisë me oligarkët, ministri u shpreh se ata i kanë rritur taksat nga 10% në 15% oligarkëve.
“Se the për pagën e luftës. 256 mijë shqiptarë e kanë marrë pagën e luftës. E dini që në SHBA është ndërprer 600 dollarëshi në javë. Pse si krahasoni ato shifrat e të shikoni ca ka bërë kjo qeveri. Të ardhurat e shqiptarëve janë rritur.
Po shpërndarja e pasurisë, që më flisni për oligarkë. Dy elementë mbani mend. Taksa progresive u ktheu 110 milion dollarë njerëzve të zakonshëm. Ne e hoqëm taksën për pagën 300 mijë lekë. Tani çfarë ndodh? Ne paskemi mbështetur oligarkët duke rritur taksën nga 10% në 15%.!?
A e dini ju që ne vitin e kaluar i dhamë libra falas deri në klasën e 5-të dhe po e çojmë deri në të 8-ën”, tha ministri Ahmetaj.
