Mësohen detaje të reja nga vdekja tragjike e vogëlushes nga Durrësi. Burime të “Alpenews.al” konfirmojnë se familjarët e vajzës që ishte nxenëse në klasën e dytë, kanë refuzuar kategorikisht që trupi i saj ti nënshtrohet autopsisë.
Prindërit e vajzës mësohet se ndodhen në gjendje traumatike, nën kontrollin e mjekëve dhe mbahen nën efektin e qetësuesve.
Motra dy vjet më e madhe e vogëlushes së pajetë, është në klasën e katërt, 9 vjeçe dhe familjarët e të afërmit e tjerë, janë munduar që ta mbajnë larg ngjarjes, duke mos i rrëfyer për tragjedinë.
Situata shëndetësore e vogëlushes në 48 orët e fundit u rëndua papritur dhe përpara se të ndërronte jetë, mësohet se fjalët e saj të fundit kanë qenë: “Mami, të dua shumë…”
Vajza 7-vjeçare u paraqit mbrëmë në urgjencën pediatrike të spitalit të Durrësit me shenja gripi.
Ajo ishte nxënëse e klasës së dytë dhe u dërgua në pediatri nga dy prindërit e saj pasditen e djeshme me shenjat e gripit dhe më pas ra në koma, për të mos u zgjuar fatkeqësisht më kurrë.
Shefi i Pediatrisë së Durrësit, Fatmir Shahini, tha për “DurrësLajm” se paraprakisht dyshohet që vajza të ketë pasur formën më agresive të gripit, atë toksik. Burimet e “Alepnews.al” mesojne se prinderit nuk jane pajtuar me versionin e mjekeve.
Pritet që ekipi mjekësor të mblidhet dhe të analizojë gjithë rastin dhe zbardhjen e arsyeve që çuan në vdekjen e vogëlushes 7 vjeçe nga Durrësi.
Mbrëmjen e së dielës në vendngjarje, ku ishte mbledhur i gjithë ekipi i mjekëve, reanimatorëve dhe specialistëve, të cilët pavarësisht gjithë ndërhyrjes, fatkeqësisht nuk arritën ta mbanin në jetë. Vogëlushja ndërroi jetë rreth orës 23:00.
Përgatit: Alepnews.al