Ministri i Shëndetësisë Arben Vitia ka konfirmuar lajmet e publikuara ditën e sotme në lidhje me refuzimin e dy donacioneve me vaksina nga Polonia dhe Bullgaria.
Me anë të një postimi në Facebook, Vitia ka treguar se shkaku i refuzimit të vaksinave është se afati i skadencës së vaksinave ishte i afërt dhe se kishin frikë semos nuk i administronin dot të gjitha.
“Po, është e vërtetë, janë refuzuar disa donacione me vaksinën Astra Zeneca. Kanë qenë oferta për donacione, pas donacionit që kemi marrë nga Norvegjia, të cilat kanë pasur një afat skadence jooptimal, që do të na kishte garantuar administrimin për qytetarëve tanë.
Ne i kemi falënderuar dhe i kemi refuzuar sepse ka pasur rrezik se nuk do të mund t’i administrojmë”, tha Vitia.
Muajin e kaluar qeveria e Kosovës refuzoi dy donacionet të vaksinave Astrazeneca nga Polonia dhe Bullgaria, për shkak se afatit të skadencës që kishin, ndërkohë që dy ditë më parë Kosova hodhi poshtë 130 mijë doza të vaksinës AstraZeneca, pasi u kaloi afati i skadencës.
