Kur Lulzim Basha garonte për kreun e Bashkisë Tiranë, një nga spotet e tij ishte për sportin dhe niste pikërisht me topin dhe mbyllej me premtimin se ai ishte ndryshe.
Topi tashmë është në fushën e tij, siç i tha dhe ambasadorja e SHBA Yuri Kim, por këtë herë për diçka shumë më të madhe, për të ardhmen e vendit në BE dhe votën e shqiptarëve, të cilat aktualisht janë duke u mbajtur peng nga ai ‘që premtoi shumë vite më parë se do ishte ndryshe’.
Në marrëveshjen e arritur, të cilën Yuri Kim e mbante në dorë mbrëmjen e djeshme nga rezidenca e saj, janë reflektuar pjesa më e madhe e kërkesave të opozitës, të cilat i kishte vendosur dhe si kushte.
Tashmë Bashës i duhet të vendos në do të jetë në krahë të amerikanëve dhe popullit shqiptar dhe të ‘firmosë’ marrëveshjen e arritur mes palëve apo do të vijojë të merret me lojëra fjalësh pa dhënë një përgjigje konkrete dhe zvarritur dhe më shumë këtë Reformë Zgjedhore, e cila duhej të kishte përfunduar që më datë 31 maj.
