Me rezultatet e referendum të së dielës, ka shumë mundësi që Maqedonia të kalojë në zgjedhje të parakohshme. Në referendum votuan rreth 36% e atyre që kishin të drejtë për të votuar e përkthyer në numra në 623 mijë qytetarë. Nga këta votues, deri më tani rezulton se 91% e tyre ka votuar pro, ndërsa 5.7% ka votuar kundër emrit të ri të Maqedonisë.
Pjesëmarrja në referendum është konsideruar e ulët, pasi nga 1.8 milionë maqedonas me të drejtë vote, ligjshmëria e referendumit kërkonte rreth 900 mijë vota. Të dielën ky numër votimi nuk u arrit, duke i kaluar përgjegjësinë për vendosjen e emrit të ri, parlamentit, e nëse aty nuk gjendet dakordi, atëherë do vendi do të kalojë në zgjedhje të parakohshme.
Rezultatet e deritanishme të referendumit në Maqedoni
Lajmin e konfirmon vetë kryeministri maqedonas, Zoran Zaev, që në një konferencë të fundit për mediat mbrëmjen e djeshme, ka thënë se nëse nuk do të sigurohen 2/3 e votave në votimin në parlament, atëherë vendi do të kalojë në zgjedhje të parakohshme. Zaev ka hedhur poshtë zërat për një dorëheqje të mundshme ndërkohë që opozita maqedonase e quan dështim.
Parlamenti e ka radhën, dhjetë ditë do të bëjmë përpjekje, por në rast se nuk arrijmë të sigurojmë 2/3 e votave, atëherë alternativë mbeten zgjedhjet e parakohshme. Në referendumin kanë votuar më shumë se 650 mijë qytetarë, më shumë se 90 për qind votuan Pro dhe thanë se Maqedonia duhet ta pranoj marrëveshjen dhe të jetë pjesë e BE-së dhe NATO-së. Populli bëri përzgjedhje të rëndësishme. Nëse ka shumicë dy të treta, nëse nuk ka ka, atëherë kuvendi përgatitet për shpërbërëje dhe zgjedhje të parakohshme. Askush nuk tregoi alternative. Kemi shumicë të dukshme, mbi 91 për qind është, ato janë mbi 600 mijë qytetarë. Asnjëherë kështu vullnet të shprehur nuk është parë.
Zoran Zaev, kryeministër i Maqedonisë.
Për rezultatet e referendumit ka reaguar edhe komisioneri për Zgjerimin në Bashkimin Evropian, Johannes Hahn. Hahn ka përshëndetur rezultatin në Tëitter, dhe thekson se pret nga politika në Maqedoni që të merret përgjegjësia e mëtejshme.
Ju uroj atyre që votuan sot në referendumin konsultativ dhe shfrytëzuan liritë e tyre demokratike. Me të rëndësishmen “po”, ka përkrahje të gjerë për marrëveshjen e Prespës dhe të ardhmes euroatlantike të vendit. Tani pres të gjithë liderët partiak të respektojnë këtë vendim dhe ta zbatojnë me përgjegjësi të madhe.
Johannes Hahn, komisioneri për zgjerimin në BE në reagimin e tij në Twitter
