Në rubrikën tonë të përditshme “Spring në Alpe” kemi vendosur t’iu sjellim disa pamje të veçanta nga fshati Reç në Dibër.
I quajtur edhe si një në 9 malet e Dibrës, Reçi ofron pamje madhështore të natyrës, ku malet duken “hijerëndë”.
Kushtet për të zhvilluar bujqësinë nuk janë më të mirat e mundshme, kjo si rrjedhojë e disa faktorëve natyrorë si mungesa e burimeve të shumta të ujit, relievi përgjithësisht i thyer etj.
Megjithatë banorët përsëri “sfidojnë” natyrën dhe i kushtojnë një vëmendje të veçantë të mbjellurave.
Një nga banorët e zonës Kastriot Elezi shprehet se përgjatë stinës së verës Reçi ka plot turistë të huaj dhe atyre ju bën përshtypje ndërthurja e relieveve. Ai shton se këtë përshtypje nuk e gjen tek banorët e zonës, pasi klima dhe vështirësia e jetesës ia zbehin pamjen spektakolare të maleve.
AlpeNews.al ju sjell pamje të veçanta nga fshati Reç në Dibër.
Përgatiti: AlpeNews.al
