Nga Edmond Arizaj
Kanë shumë të drejtë këta të Federatës, madje t’u thonë edhe tifozëve shqiptarë, praktikisht miliona të tillë, “q…”.
Edhe Reja ka plot të drejtë të mos sillet si trainer, që kur s’ka ç’bën në një ndeshje, të paktën kënaq publikun. Nuk priste askush të mundnim Anglinë.
Por prisnim të shihnim në fushë Armando Brojën. Nuk e pamë as në stol. Pse? Përpara se t’u thotë tifozëve “q…”, Federata duhet te shpjegojë çfarë ndodhi me lojtarin që bëri historinë para një muaji. Sepse ai e bëri historinë. Përpara se Reja të shpjegojë strategjinë e tij të presingut me ekipin që ka në përbërje lojtarët më të shpejtë dhe teknikë në botë, të shpjegojë pse e dërgoi Brojën në tribunë kur mijëra tifozë prisnin të shihnin talentin e vetëm shqiptar në fushë.
S’ka nevojë të shpjegojë pse gafaxhinjtë nga na erdhën humbjet, apo mosfitoret, vazhdojnë e janë titullarë duke vijuar të acarojnë jo vetëm tifozët që duhet të shkojnë të “q…” sipas Federatës, por edhe teknikë të mirëfilltë futbolli. Pse?
Një sqarim duhet dhënë. Është e detyrueshme. Federatën mund ta privatizojnë, ndeshje mund të “falin”. Edhe ekipin mund ta bëjnë siç duan bashkë me Rejën.
Por talentet, nuk i djegin dot për kapriçiot e vogla të tyre. Çfarëdo kapriço qofshin ato.
