Një ngjarje e rëndë ka ndodhur dy ditë më parë ku një grua 59 vjeçe dyshohet se është hedhur në lumin Vjosë. Sipas familjarëve, gruaja ishte e paralizuar dhe vuante nga skleroza.
Çka e bën më të rëndë është fakti se ngjarja ka ndodhur ditë më parë, e ndërsa vetëm sot polumbarët kanë shkuar në vendngjarje.
Fatkeqësisht, raste të ngjashme ka plot. Disa prej tyre janë gjetur ditë më vonë e të tjerëve u është dashur disa herë apel drejtuar shtetit e ministrave në mënyrë që të fillonte puna për gjetjen e trupit.
Çfarë ndodhi:
Mbytet në lumin Vjosë gruaja 59-vjeçare, familjarët bëjnë apel për ndihmë
Një 55-vjeçare nga Ferrasi i Fierit ka humbur kontaktet me familjen prej dyd itesh. Bëhet fjalë për Shaqe Nexhipin, nënë e dy fëmijëve.
Familjarët dyshojnë se mund të jetë mbytur në lumin Vjosë. Në momentin kur është larguar nga banesa, gruaja ka qenë e vetme, nuk ka pasur njerëz në shtëpi.
I shoqi i 55-vjeçares, Faslli Nexhipi, thotë se gruaja e tij është e sëmurë, invalide, dhe se ka tentuar dhe herë të tjera të mbytet.
Ai kërkon ndihmën e polumbarëve për nxjerrjen e trupi duke i bere apel shtetit ti ndihmojë. Vetëm sot u bë e mundur që polumbarët të shkonin në vendngjarje.
*Rastet
Mbytet i riu në Vjosë, familjarët apel ministrit
Të afërmit e adoleshentit Dritan Shametaj që u mbyt në lumin Vjosë në Fier po vijuan vetë kërkimet për gjetjen e trupit. Në ndihmë të tyre nuk kanë shkuar polumbarë apo forcat e policisë, çka nuk ka sjellë asnjë rezultat nga kërkimet. Për këtë arsye familjarët i bënë apel organeve kompetente të ndërhyjnë.
Babai i 17-vjeçarit, Bashkim Shametaj i kërkuan asokohe ministrit të Brendshëm, Saimir Tahiri për ndihmë. Ai i ka kërkuar të dërgojë polumbarët për të gjetur trupin, pasi lumi Vjosa është i thellë.
Ngjarje tragjike që i mori jetën sot 55-vjeçarit Fran Bardhi në Mirditë
Bardhi, banues në fshatin Ndër-Fanë, u mbyt pasi ndërkohë që punonte u rrëzua dhe e mori rrjedha e lumit Fan.
I biri i 55-vjeçarit, Altin Bardhi tha se ata kishin kërkuar ndihmë nga polumbarët, por këta të fundit nuk kishin ardhur. “Kërkuam ndihmë nga policia e polumbarët, por ata nuk kanë ardhur.
Vetë ne me banorët e zonës po kërkojmë për trupin e babait tim,” tha Altini.
Drama e familjarëve në pritjen për polumbarët, mbyten dy kushërinjtë
Shpresonin t’i gjenin gjalle, por i gjeten te mbytur ne kenete. Familjaret munden te terheqin pas mesdite trupat e pajetë të 17-vjecarëve, Rei dhe Berti Tahirllarit, kushërinj me njëri-tjetrin qe u nxorrën të mbytur nga këneta e fshatit Qatron.
Plackat e tyre u gjendën buzë kënetës dhe kjo coi ne dyshimet se, te rinjte kane hyre per t’u lare ne kenete. Sipas familjarëve, shteti vonoi ore të tera për gjetjen e tyre.
Përgatiti: AlpeNews.al
