Epidemiologu Dritan Ulqinaku ka deklaruar në studion e emisionit ABC-ja e Mëngjesit se në javët në vazhdim nuk pritet një rritje më e madhe e shifrave të infeksioneve me koronavirus, pasi tashmë prej javësh jeta po vazhdon normalisht.
Ai shpjegoi këtë trend lidhur me faktin se për sa kohë nuk do të kemi rritje të kontakteve, nuk do të ketë as rritje të shifrave më shumë se aktualisht.
“Tani jemi të gjithë të hapur, në punë me përjashtim të disa bizneseve të vogla. Rastet nuk kanë pse shtohen më tej. Shpresoj të mos kemi një rritje të vazhdueshme por të kemi një trend apo një ulje që jeta të vazhdojë pa kufizime. Unë shoh që jeta është në normalitetin e vet.
Muzika ndalohet nga frika. Unë e kam thënë që çdo ndalim është një dështim. Është fakt që presioni i ISHSH prej pamundësisë për t’i kontrolluar mund të ketë sjellë këtë. Unë bëra pushime në jug dhe djali im tre ditë i kaloi në pubet e natës, tha Ulqinaku.
Lidhur me rekomandimin e OBSH për vaksinim të popullatës për gripin, ai tha se ISHP këtu nuk ka nisur akoma këtë proces për shkak se nuk është bërë shpërndarja e vaksinës nga kompanitë e mëdha farmaceutike.
“Nuk i ngjan dita-ditës. Trendi ka qenë në rritje. Në kushte shtëpie e kalojnë 70-80%, ndërsa asimptomatikë janë 10%. Nëse nuk ke temperaturë testi ka më pak mundësi të vërtetojë nëse je i prekur.
Nuk mund të mbyllen kufijtë me ne, kur janë të hapur me vende që ka më shumë infeksione. Nuk është e vërtetuar që rastet e importuara janë nga Shqipëria.
Kishte shumë mjekë që mendonin nuk ekziston një infeksion i tillë, por tani është zbehur. Nuk të mbron mbyllja e kufijve por distanca.
ISHP nuk ka dhënë urdhër të nisë vaksina e gripit, sepse nuk është akoma e disponueshme vaksina, jo vetëm te ne, por në çdo vend. Unë nuk pres të kemi një epidemi gripi. Unë nuk parashikoj të kemi ndonjë dyndje të madhe. Gripi nuk njeh moshë”, tha Ulqinaku.
