Rastësisht apo jo, një foto e rinisë së hershme të Emanuel Macron është aktualisht në një njoftim që shpjegon funksionimin e kartës së studentëve të Universitetit të Nanterrës. Sipas fakultetit që ka bërë njoftimin, bëhet fjalë për një gabim.
Në një email të dërguar në korrik për studentët e rinj, Universiteti i Nanterre në Paris ka bashkëngjitur një manual përdorimi për kartën e studentëve. Ndërsa deri më tani, ky lloj i dokumenti ilustrohej me fotografi njerëzish të panjohur, këtë herë është fotografia e Presidentit të Republikës ajo që është përdorur.
Të mërkurën, më 17 korrik, Guillaume Didier, ish-zëdhënës i Ministrisë së Drejtësisë, e postoi njoftimin në Tuiter. “Kam një gjë të lezetshme për t’ju thënë. Mendoni se kush u zgjodh si student tipik për të shpjeguar funksionimin e kartës së studentëve Nanterre? Një student i famshëm i Universitetit të Parisit Nanterre! #Macron”, shkroi ai.
Emmanuel Macron ka studiuar filozofi në Universitetin e Nanterre në vitet 1999-2001, përpara se të bashkohej me ENA, ku ai ishte asistent i filozofit Paul Ricoeur. Ai u diplomua në Universitetin e magjistraturës në vitin 2000.