Sulmuesi i Përfaqësueses së Kosovës, Milot Rashica po kalon nëpër një formë mjaftë të mirë në kampionatin holandez.
Ylli nga Vushtrria ka shënuar gola dhe ka bërë asistime të rëndësishme me fanellën verdh e zi të Vitesses.
Paraqitjet e jashtëzakonshme me skuadrën holandeze i kanë rritur edhe vlerën yllit kosovar.
Deri më tani Rashica kishte një vlerë në ‘Transfermarkt’, prej 3,5 milionë eurove.
Milot Rashica gjatë një ndeshje në Ligën e Evropës përballë skuadrës franceze Nice
Por vlera e vushtrriasit është rritur ndjeshëm pasi çmimi i ri sipas faqes së specializuar për transferime është pesë milionë euro.
Me rritjen e vlerës, Rashica barazohet me bashkështetasin e tij Arbër Zeneli i cili gjithashtu ka vlerën pesë milionë euro.
