Dy vëllezër janë arrestuar nga policia e Pogradecit, pasi akuzohen se kundërshtuan me dhunë punonjësit e policisë gjatë kryerjes së detyrës.
Në pranga u vunë Roland Durbaku, 49 vjeç dhe Ilir Durbaku, 43 vjeç.
“Arrestimi i tyre u bë pasi, më datë 29.10.2017, në lagjen nr 1 në Pogradec, këta shtetas kanë penguar dhe kundërshtuar me dhunë punonjësit e policisë, gjatë kryerjes së detyrës të tyre për kontrollin e një mjeti tip furgon me të cilin këta të fundit po udhëtonin, gjithashtu edhe gjatë shoqërimit për në Komisariat”, sqaron policia.
Materialet i kaluan Prokurorisë të Rrethit Gjyqësor Pogradec për veprën penale : “Kundërshtimi i punonjësit të policisë së rendit publik” parashikuar nga neni 236 i Kodit Penal.
/AlpeNews.al/
