Kryeministri i vendit, Ramush Haradinaj, gjatë qëndrimit në Shtetet e Bashkuara të Amerikës, ka takuar Drejtorin e CIA-s, Mike Pompei.
Haradinaj përmes një postimi në Facebook, ka thënë se gjatë takimit u bisedua për sfidat e sigurisë në Kosovë dhe të tjera, njofton Klan Kosova.
Më poshtë statusi i plotë i Ramush Haradinajt:
“Pata nderin të takoj Drejtorin e CIA-s, Mike Pompei, me të cilin biseduam për sfidat e sigurisë në Kosovë dhe më gjërë.
Kosova dhe ShBA janë partnerë strategjik në shumë fusha e posaçërisht në atë të sigurisë.
Kosova është e bekuar që nuk është e vetme në ballafaqim me sfidat rajonale dhe globale.”
“Biseduam për domosdoshmërinë e rritjes së rolit amerikan në rajonin e Ballkanit, me theks të veçantë për mbështetjen e Kosovës në ecjen e saj drejt integrimeve euro-atlantike”, ka shkruar Haradinaj, përcjell Klan Kosova.
“Aleanca me Shtetet e Bashkuara të Amerikës është garancë që na jep siguri dhe shpresë!”.
“Vazhdojmë bashkë…”.
