Kryeministri Edi Rama i është përgjigjur sot mesazheve të improvizuara të Berishës, Bashës, Metës, Kryemadhit dhe Tahirit gjatë emisionit “Zonë e Lirë”.
Rama është treguar ironik me Bashën dhe Berishën, ndërkohë që Metës i ka kujtuar shprehjen “me qetësi dhe dashuri”:
- Sali Berisha jam: O Edvin Habilaj, o kumbar, shite Saje Qorrin dhe mbylle këtë histori me kaq se ndryshe nuk mbyll dot mandatin…
- RAMA: Eh mor plak, unë dhe ti kemi një problem, flemë pak. Ta mirëkuptoj hallin, e di që nuk do flesh, por bëj si të bësh. Shëndet.
- Lul Basha jam: të thashë që trëndafilin e ke zëvendësuar me hashashin. Pas skandalit që të ka plasur…
- RAMA: Eh mor Lul, thashë se u bëre burrë, por prapë lule më lule mbete.
- Luli jam prapë: e pe sa butë u sollëm në Kuvend për Sajmen
- RAMA: O Lul është koha e gjumit për ty vlla, nuk ke takat për Arjan Canin. Fli gjumë vlla.
- O i gjati Ilir Meta jam, duhet të takohemi patjetër, kemi ca gjëra pa mbyllur. Nëse do shpëtosh Tahirin mos e prek Llallën.
- RAMA: Me qetësi dhe dashuri zoti president, ah sa bukur.
- Mona jam. O kriminelë kujt i thua motër ti. Unë motra jote?
- RAMA: Ca të bëj unë. Iku tepsia, ka shpërthyer dashuria… për atdheun tani. Motra ishe, motra mbete.
- O Edo Gaz Demi jam. Ta kryva porosinë te shtëpia e Sajmes…
- RAMA: Gazo rroftë Partizoni se ka nevojë këtë radhë.
- O Shef Sajmja jam: Erdhi kontrolli, unë qëndrova stoik, piva një puro në ballkon. Ata skanë parë gjë, pas puros do pi një trefletësh
- RAMA: S’është ky. Puron në PS e pi vetëm Fino.
- Sajmiri jam shef. Jo Tahiri, shoferi i kamionit. Cfarë fitoj po dëshmova se kam marrë 5 milionë euro në muaj.
- RAMA: Shko te fronti se atje fiton.
- Jam Moisi Habilaj…
- RAMA: Mos na e prish, kalo te tjetra.
- O i madh ‘Lolo’ jam…
- RAMA: Kalo pra nga këta.
- Lali Eri jam, beniamini jot i vetëm…
- RAMA: Më pëlqeu ajo e autobuzit elektrik, por mos dil këtu në televizor sikur je jashtë shtetit.
- Ngjela jam. Ti nuk e kupton demokracinë. Po të kishe lexuar librat e mi nuk do kishe dështuar…
- RAMA: Avokat shyqyr që u bëre u gjallë, qëkur nxorra Lulin nga çadra nuk më flet më.
- Pse i ka mbet qejfi Ngjelës?
- RAMA: Qëkur nxorra Lulin nga çadra. Aty filloi.
- Donald Lu jam. Më interesonin bandat e Elbasanit se jetoj te rruga e Elbasanit…
- RAMA: Skanë parë gjë akoma Don, rrugë më rrugë. Cdo njeri që në rrugë ka zgjedhur të bëjë ato që s’duhet këmba këmbës deri në fund.
- Koco jam. Po të zë mallkimi im biri im.
- RAMA: U bë shumë kohë që nuk dëgjohemi. Ske çfarë i bën, për mua është rruga pastaj miqësia. Jo miqësia që dikton rrugën. Natën.
- Jam Briseida e tatimeve, të kujtohet? Mos e dorëzo lehtë Sajmirin, ai bëhet kamizak për ty.
- RAMA: I keni rënë në qafë Briseidës ju të kazanit.
- O Skënderbe Elisa Spiropali jam. Askush nuk e bën dot figurën tënde, o i pari i vendit.
- RAMA: Këto nuk mi thotë mua. Këto ua thotë të tjerëve.