Kryeministri Edi Rama ka reaguar pas sulmeve të Opozitës në lidhje më dorëheqjen e Tahirit pasi këta të fundit shprehen se ai la mandatin e deputetit pas paktit me kryeministrin.
Përmes një statusi në Facebook Rama thotë se “Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë.
“Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar?🤔
Sa gjynah më vjen për ata që ende u besojnë këtyre vulëhumburve pa atdhe😨
Po duan s’duan këta Shqipërinë do ta bëjmë🇦🇱🇪🇺”- shkruan Rama në Facebook.
Më pas, ai paralajmëroi arrestime të bujshme, pas ndalimit të Arbër Çekajt në Gjermani.
“Dhe nuk ka mbaruar jo, të tjera do pasojnë në javët që vijnë e jo se e kërkon Gjermania a bota, po se ne themi atë që bëjmë e bëjmë atë që themi
!E jemi ne e askush tjetër që mund ta kalojë detin që ndan të thënat nga të bërat, sado baltë të na hedhin dhe zjarre marazi të ndezin”, shkruan kryeministri.
