“Në këtë territor nuk ekziston një bos, një kapo apo një tërësi elementësh të rrezikshëm që nuk kapen. Në këtë territor nuk ekziston akoma një drejtësi që i lë prapa hekurave. Do t’i kërkoj çdo burri dhe çdo gruaje këtu që ka eksperiencë të dëshmonte që secili të mbante fjalim të gjatë për sa raste policia i ka futur në dyert e gjykatës dhe gjykatësi i ka nxjerrë nga dera tjetër. Për sa raste kanë shkuar me kapuç në kokë dhe kanë dalë duke thënë atyre që i kanë çuar; tani do të flasim bashkë! Nuk kishte gjë më degraduese për policinë e shtetit ajo video që doli nga Elbasani. E papranueshme. Nëse këtu në Shqipëri do të kishte prokurori dhe gjykatë në lartësinë e betejës nuk do të kishte ardhur dita të shihnim atë video”.
Vendim që ata që zbulojnë të kërkuarit të paguhen është shprehur Rama. “Unë i kam propozuar qeverisë vendosjen çmim për kokën e çdo të kërkuari. Kush e denoncon për kapjen e tij do të paguhet. Maksimumi duhet bërë në raport me qytetarët, në raport me njerëzit që tek policia në rrugë kanë parë burimin e besimit. Një herë atyre të Elbasanit ju thuhet të inkrimuar dhe kur largohen u thuhet të ndershëm, nuk ka shans të ngjisë në zemrat e shqiptarëve që kanë sytë e tyre për të parë”.
Rama: Asnjë punonjës policie me pasuri të pajustifikuar nuk do të shpëtojë
Rama: E kemi bërë të qartë që në muajin korrik jo më për të shkuar pas parcelave, por pas pasurive të tyre. Nuk do të shpëtojë njeri, as edhe asnjë punonjës policie që ka punuar gjithë jetën në polici dhe ka pasuri të pajustifikueshme.
Vettingu në Polici është për të ndarë të njohim me të thatin, shapin dhe sheqerin, ata për të ndalur krimin dhe ata që i shkelin syrin mbas shpinës së shokut kriminelëve. Po diskutojmë me një kompani hetimesh që drejtohet nga ish-agjentë të FBI-së.