FIFA raportohet se po shqyrton ndryshimin e rregullores, në lidhje me ndryshimin e kombëtareve nga futbollistët.
Sipas rregullave aktuale nëse një futbollist aktivizohet qoftë edhe për një sekondë me një kombëtare në ndeshje zyrtare ai nuk mund ta ndryshojë më atë.
Reuters raporton se FIFA po mendon që të ndryshojë disa rregulla dhe të lejohet ndërrimi i kombëtares nëse ai është aktivizuar në një apo dy takime.
“Ka shumë çështje që kanë dalë gjatë vjetëve të fundit sepse bota po ndryshon, imigrimi po ndryshon”. Ka çështje kombëtare që kanë dalë në botë, në Afrikë, ka raste edhe në Azi dhe CONCACAF, prandaj është mirë të shikohen dhe të bëhen zgjidhje, pa e cënuar integritetin e lojës”, ka thënë presidenti i CONCACAF-it, Victor Montagliani. /alpenews.al/
