Kryeministri Edi Rama po zhvillon një vizitë në Jeruzalem të Izraelit, e cila ka nisur prej 25 janarit dhe do të mbyllet ditën e martë, më 27 janar. Vizita zhvillohet në kuadër të Konferencës Ndërkombëtare për Luftën kundër Antisemitizmit.
Shefi i qeverisë është pritur nga homologu Benjamin Netanjahu, me të cilin pritet të mbajë edhe një deklaratë për shtyp.
Ngjarja kryesore e ditës së sotme është fjalimi i tij historik gjatë seancës plenare në Knesset, e cila nis në orën 16:15. Fjalimi është parashikuar nga protokolli i posaçëm i Knessetit i cili u ka rezervuar një hapësirë të dedikuar disa udhëheqësve të zgjedhur, ku së fundmi ishte Donald Trump.
Në këtë vizitë, kryeministri shoqërohet nga bashkëshortja e tij, Linda Rama dhe delegacioni.
Më 27 janar, Rama do të mbajë fjalim përpara presidentit izraelit në Konferencën Ndërkombëtare për Luftën kundër Antisemitizmit.
