Presidenca ditën e sotme në orën 12:00 ka njoftuar një konferencë për mediat. Deklarata pritet që të lidhet me letrën që Presidenti i dërgoi kreut të qeverisë Edi Rama, zv/kryeministrit Erion Braçe dhe ministres së Mbrojtjes Olta Xhaçka ku paralajmëronte se Shqipëria do të përfshihet nga një tërmet apokaliptik, i cili do të prekë Ballkanin duke cituar sizmiologun grek Akis Tsenelis, por ky i fundit e mohoi duke e cilësuar ‘fake neës’ dhe kërkoi që të informohet kreu i shtetit. Në një reagim për shqiptarja.com ai u shpreh se nuk ka bërë asnjë parashikim të tillë.
Ndërkohë që kryeministri Edi Rama njoftoi përmes zyrës së shtypit mbajtjen e një konference për shtyp, ditën e martë në orën 11:00. Në njoftimin e Kryeministrisë thuhet se në orën 11.00, shefi i qeverisë do të mbajë një bashkëbisedim me gazetarët. Në bashkëbisedimin e fundit me gazetarët para pushimeve të gushtit, kryeministrit pritet që të prekë temat e nxehta të aktualitetit politik dhe luftën institucionale me Presidentin.
