Për të gjithë nxënësit që kanë ndërprerë procesin mësimor, nga dita e nesërme do të transmetohen leksionet e matematikës për klasat 6-12 në ekranin e televizionit publik.
Ministrja e Arsimit Besa Shahini bën me dije se leksionet e Matematikës do të jepen nga ora 10:30-12:00, ndërsa ato të Kimisë do të transmetohen nga ora 18:00-19:30
“RTSH Shkollë, nesër, në orën 10:30-12:00, do të zhvillohen leksionet e matematikës për klasat 6-12. Ndërsa nga ora 18:00-19:30 leksionet e kimisë për klasat 8-12 në Radio Televizionin Shqiptar – RTSH 1”, shkruan zonja Shahini.
Postimi i saj është rishpërndarë edhe nga kryeministri Edi Rama.
“Super Besa Shahini. Një lutje prindërve që do të jenë në shtëpi, që të kujdesen për mësimet dhe ndjekjen e klasave në ekran. Sipas planit, mësimet online dhe në RTVSH për gjithë periudhën e luftës me virusin, do të zgjerohen hap pas hapi #TiNukDoJeshKurrëVetëm”, shkruan Rama
