Endri Fuga, drejtori i komunikimit në Kryeministri, është ngarkuar me një tjetër detyrë nga kreu i qeverisë Edi Rama.
Në mbledhjen e sotme të qeverisë është marrë vendim që Fuga të jetë anëtar i bordit mbikëqyrës të Agjencisë për Mbështetjen e Shoqërisë Civile.
Vendimi është marrë zyrtarisht sot nga vetë Edi Rama në mbledhjen e qeverisë.
Vendim për emërimin në detyrë të disa anëtarëve të bordit mbikëqyrës të agjencisë për mbështetjen e shoqërisë civile
Në mbështetje të nenit 100 të Kushtetutës dhe të nenit 8, të ligjit nr.10093, datë 9.3.2009, “Për organizimin dhe funksionimin e Agjencisë për Mbështetjen e Shoqërisë Civile”, me propozimin e Kryeministrit, Këshilli i Ministrave
VENDOSI:
Emërimin në detyrë të disa anëtarëve të bordit mbikëqyrës të Agjencisë për Mbështetjen e Shoqërisë Civile, përfaqësues të institucioneve të administratës publike qendrore, si më poshtë vijon:
– Znj. Majlinda Dhuka;
– Z. Endri Fuga;
– Znj. Gelardina Prodani;
– Z. Oltjon Muzaka.
Ky vendim hyn në fuqi menjëherë dhe botohet në “Fletoren zyrtare”.
KRYEMINISTRI
Edi Rama
