Teksa para Kryeministrisë po protestojnë mijëra protestues, kryeministri Edi Rama është larguar nga Tirana.
Ai është futur “live” nga “By Pass-i” i Vlorës, ku mes të tjerash tha se amerikanët kanë qenë sot aty dhe janë mahnitur nga kjo vepër.
“Tani nuk ka më asnjë problem me trafikun, pastaj ka punë të mbetura nëpër skrapate. Miqtë amerikanë që ishin sot paradite, kaluan këtu, nuk ju besohej që ishte një vepër e tillë. Ju thashë që të jeni e sigurt që edhe këtu është Shqipëri, jo vetëm aty poshtë. Ata nuk e imagjinojnë që përtej kompleksitetit, vepra ka shumë probleme me prona, pseudopronarë”, tha Rama.
