Ish-kryeministri i Kosovës Albin Kurti reagon pas votimit sot në Kuvend të qeverisë së re që do të drejtojë vendin, e udhëhequr nga Avdullah Hoti i LDK-së.
Përmes një video-mesazhi të shpërndarë pak më parë në profilin zyrtar të tij, Kurti ka thënë se në 4 muaj si kryeministër ka dëshmuar një qeverisje e vendime të mira në shërbim të vendit.
“Të dashur qytetarë. Sot janë bërë katër muaj që jam zgjedhur kryeministër, kurse nesër nuk do të jem më në këtë zyrë. Katër muaj qeverisje e mirë, 39 mbledhje të mira të qeverisë, 213 vendime që e kanë bërë shumë më të mirë politikën në Kosovë”, thotë Kurti ndër të tjera në video-mesazhin për qytetarët.
