Të tjera detaje shokuese dalin në dritë nga vrasja e 5-fishtë që ndodhi në familjen Bllaca në Gjilan, ku vajza e familjes vrau prindërit, dy vëllezërit dhe më pas veten.
Mediat kosovare shkruajnë se Valdete Bllaca pasi vrau katër anëtarët e familjes së saj ka qëndruar rreth 3-4 orë në banesë me ta.
Po ashtu, dyshohet se ngjarja në fjalë të ketë qenë e planifikuar, pasi një ditë më parë Valdete Bllaca i kishte dhënë 12 mijë euro tezes, si dhe e kishte pyetur se sa kushtonte një ceremoni mortore.
Në kohën kur ka ndodhur krimi, tezja dhe bashkëshorti i saj shkuan në shtëpinë e familjes Bllaca, dhe në derë iu shfaq Valdetja.
Kjo e fundit i kishte thënë tezes se familjarët nuk ndodheshin në banesë, ndërsa ajo ishte pak e zënë me disa punë.
Kur po largoheshin nga banesa, tezja dhe bashkëshorti i saj dëgjuan krismat e dy plumbave. Valdete Bllaca kishte vrarë veten.
Bazuar në burime të sigurta të mediave fqinje, policja dyshohet se i ka qëlluar viktimat me nga dy plumba në kokë.