Një ngjarje e pakëndshme i ka ndodhur reperit Azet, emri i vërtetë i të cilit është Granit Musa. Thuhet se eskorta e tij është sulmuar në Vjenë.
Një qytetar për mediat në Kosovë ka treguar se ngjarja ka ndodhur në mbrëmjen e organizuar të shtunën në një klub nate, teksa në video dëgjohen edhe të shtëna me armë.
Sipas tij, shkak i këtij sulmi ka qenë pagesa. Është pritur të ketë më shumë njerëz në koncert, e duke qenë se parashikimet nuk dolën, sigurimi i këngëtarit është përplasur me atë të klubit.
Ndërkohë pronari i klubit në Austri ka dhënë versionin e tij të ngjarjes dhe në një prononcim për ‘Insajderi’, ai ka thënë se arsyeja e sherrit nuk është bërë pagesa. Sipas pronarit, që identifikohet me inicialet A.B., pas koncertit disa shqiptarë kanë sulmuar disa çeçenë dhe më pas kanë filluar të konfrontohen fizikisht.
Më pas teksa makina e reperit po largohej, sigurimi i klubit kishte shtënë me armë zjarri, por jo në drejtim të tyre. Qëllimi ishte të trembte ata që po konfrontoheshin e të largoheshin.
“Pagesa ishte në rregull, disa shqiptarë i kanë rrahur çeçent, në ato momente ishte duke dalë Azet me makinë. Duke u zënë i kanë gjuajtur Azetit në makinë edhe kanë gjuajtur me armë sigurimi”, tha ai.
Nga ana tjetër vetë Azeti nuk ka bërë asnjë reagim.
