Putin nuk është një super njeri siç ne e imagjinojmë”, kështu e nis rrëfimin e saj, ish-Këshilltarja për Sigurinë Kombëtare në Shtëpinë e Bardhë, gjatë kohës së Donald Trump, teksa ka zbuluar edhe disa të fshehta për presidentin rus. Për Fiona Hill, Putin është i fiksuar për sigurinë e tij, aq sa kurrë nuk pi unë në një tavolinë zyrtare. Ndoshta kjo sepse disa prej kundërshtarëve të tyre janë helmuar në këtë njëjtën formë.
“Kam pasur mundësinë ta vëzhgoj Putinin nga afër disa herë. Për shembull, mbaj mend që isha ulur jo shumë larg tij në një drekë zyrtare. Më bëri përshtypje që ai nuk piu asgjë. Nuk e preku kurrë filxhanin e tij, nuk e di nëse kishte ujë apo çaj”, ka rrëfyer Hill.
Një tjetër detaj që Hill zbulon është se Putin mban syze, por refuzon që të dalë me to në publik, pasi ka frikë se mos përcjellë në opinion shenja dobësie.
“Gjithashtu në atë rast vura re se si kishte përpara një fletë letre me shënime të shtypura me karaktere jashtëzakonisht të mëdha; Putini mban lentet e kontaktit, por ai nuk dëshiron që kjo të bëhet publike, ndoshta sepse ka frikë se mund të përcjellë një ndjenjë dobësie në opinionin publik”, u shpreh ish-këshilltarja e sigurisë.
Putin mban rreth vetes një grup shumë të vogël bashkëpunëtorësh, dhe këta nuk janë oligarkë, por njerëz që janë shumë të lidhur pas tij dhe Rusisë.
” Këta janë njerëz – që nuk kanë investime, nuk kanë interesa jashtë Rusisë. Ata janë të rrënjosur thellë në vendin e tyre dhe të gjithë shumë të lidhur me Putinin. Kjo është arsyeja pse është e vështirë të imagjinohen ndryshime në pushtet në Moskë “”, ka përfunduar Hill.
