Presidenti rus ka akuzuar kundërshtarët e homologut të tij amerikan Donald Trump se po dëmtojnë SHBA-në duke “shpikur histori” rreth kontakteve me Rusinë.
Në konferencën e tij vjetore me gazetarët, Vladimir Putin tha se kontaktet midis ekipit Trump dhe zyrtarëve rusë përpara zgjedhjeve të vitit të kaluar ishin normale.
Fushata Trump është duke u hetuar për bashkëpunim me Rusinë.
Agjencitë e inteligjencës amerikane kanë arritur në përfundimin se Moska u përpoq të ndikonte në zgjedhjet presidenciale në favor të z. Trump, por Putin mohon akuzat.
Ai shtoi se zoti Trump ishte përgjegjës për disa “arritje mjaft serioze”, por akoma nuk kishte arritur të përmirësonte marrëdhëniet me Rusinë.
Putin shprehu shpresën se kjo do të ndodhte, duke shtuar se “ka shumë gjëra që mund të bëjmë më efektive”.
Përgatiti:AlpeNews.al/
