Presidenti amerikan Joe Biden e ka quajtur homologun rus “kasap”, sot gjatë një vizite në një kamp refugjatësh ukrainas në Poloni.
Menjëherë pas kësaj deklarate ka ardhur edhe reagimi nga Kremlini zyrtar.
Sipas agjencisë shtetërore të lajmeve ruse Tass, autoritetet ruse kanë deklaruar se komentet e Biden kufizojnë akoma më shumë mundësinë për përmirësimin e marrëdhënieve mes palëve.
Presidenti amerikan Biden u takua sot me një grup refugjatësh ukrainas në Poloni të cilët janë larguar nga lufta që ka hyrë në muajin e dytë të saj.
