Trafiku i rënduar në disa prej akseve kryesore në Shqipëri, në zonat bregdetare është kthyer në kryefjalë të çdo fundjave. Edhe këtë të diel, ashtu sikurse edhe në të kaluarën, pushuesit nuk i kanë “shpëtuar” orëve të gjata pritjeje në trafik.
Aksi Orikum- Vlorë, Sarandë – Gjirokastër, në Shëngjin, por edhe te Shkëmbi i Kavajës kanë qenë më problematike, ku qindra qytetarët që kanë zgjedhur të kalojnë fundjavën në bregdetin shqiptar janë kthyer në shtëpi në të njëjtën orë duke shkaktuar radhë të gjata automjetesh.
Trafik të rënduar ka pasur edhe mëngjesin e sotëm, e cila përkon edhe me nisjen e tyre drejt plazhit. Pavarësisht pranisë së Policisë Rrugore, trafiku nuk ka munguar. Megjithatë, parë në një prizëm më optimist, ky trafik i rënduar është përkthyer në një “gjallërim” të turizmit në vendin tonë, sektor ky i cili ka marrë një goditje të madhe nga COVID-19.