Një e pesta e territorit të pushtuar nga ushtria e Moskës. Dhe përsëri: 300 mijë kilometra katrorë të kontaminuar nga minat, qytete të mëdha dhe të vogla të rrënuara, ekonomia në gjunjë… Këto janë shifrat e konfliktit që mund të gjurmohen nëpër faza të veçanta.
24 shkurt – Në orën 03:55 të mëngjesit (5.55 në Moskë) TV Rossija 24 transmeton një video të regjistruar paraprakisht në të cilën presidenti rus shpall një operacion ushtarak për të mbrojtur Donbasin, çmilitarizimin dhe denazifikimin e Ukrainës. Menjëherë pas kësaj, lajmet e para për shpërthime mbërritën në Kiev, Odessa, Kharkiv, Mariupol. Pushtimi ka filluar.25 shkurt – Presidenti Zelensky poston një video në mediat sociale, me kostum ushtarak njofton: “Ne jemi këtu, ne jemi në Kiev, ne po mbrojmë Ukrainën”. Një shenjë se ai nuk ka ndërmend të largohet nga vendi i tij. Por ai e di se është në shënjestër të Moskës: “Mund të jetë hera e fundit që më shihni të gjallë”. Vendi bërthamor i Çernobilit bie nën kontrollin e forcave ruse.
27 shkurt – Kryetari i bashkisë së Berdyansk, një qytet në bregun jugor të Ukrainës raporton se rusët kanë marrë kontrollin. Me një mijë ndalesa, delegacioni ukrainas dhe rus vendosin të takohen në kufirin me Bjellorusinë.
2 Mars – Në ditën e shtatë të luftës, qyteti i parë i madh, Kherson, në jug, bie në duart e rusëve.
4 mars – Forcat ushtarake ruse marrin kontrollin e centralit bërthamor të Zaporizhzhia, më i madhi në Evropë.
8 mars – McDonald’s mbyll 850 pika të ushqimit të shpejtë në Rusi.
9 mars – Bombat ruse goditën një maternitet në Mariupol. Fotoja e Marianna Podgurskaya, një blogere e re shtatzënë në muajin e nëntë, me plagë në fytyrë, e cila del pas shpërthimeve bën xhiron e botës. Dhe një tjetër, e marrë me barelë, vdes me foshnjën e saj. Por Moska flet për “inskenim”.
11 mars – OKB-ja raporton se rusët përdorin bomba thërrmuese. Kryetari i bashkisë së qytetit juglindor të Melitopolit, Ivan Fedorov, u rrëmbye dhe u mor me një thes në kokë.
13 Mars – Brent Renaud, regjisor dhe producent i dokumentarëve dhe reporter lufte, i vlerësuar me shumë çmime amerikane, vritet në Irpin.
15 mars – Gazetarja ukrainase Alexandra Kuvshinova dhe kameramani i Fox TV Pierre Zakreëski vriten pranë Kievit.
16 mars – Ushtria ruse bombardon teatrin e Mariupolit ku ishin strehuar qindra civilë. Është e pamundur të përcaktohet numri i viktimave.
29 mars – Presidenti turk Rexhep Tajip Erdogan mirëpret delegacionet ruse dhe ukrainase në Stamboll për bisedimet e paqes.
3 prill – Në Bucha, në brendësi të Kievit, rusët tërhiqen, duke lënë shkatërrim dhe vdekje: shpëtimtarët gjejnë rrugë të mbushura me kufoma, shumë me kyçet e dorës të lidhur, viktima të ekzekutimeve. Varret masive zbulohen me kalimin e ditëve. Përballë tmerrit Zelensky thotë: ‘Nuk mund të qaj më’.
8 Prill – Dy raketa ruse përplasen në stacionin Kramatorsk në Donbass ndërsa mijëra njerëz – gra, fëmijë dhe të moshuar – presin që trenat të evakuohen. Viktimat më shumë se 50, dhjetëra të plagosur. Moska kundërshton ukrainasit.
29 Prill – Raketat ruse goditën qendrën e Kievit gjatë vizitës së Sekretarit të Përgjithshëm të OKB-së Antonio Guterres. Një gazetar ukrainas është vrarë nga bombardimet.
3 maj – 290 kufoma civilësh gjenden në Irpin pas tërheqjes së trupave ruse. Shumica të he të ekzekutuar.
20 maj – Pas 86 ditësh rezistencë, luftëtarët ukrainas të barrikaduar brenda fabrikës së çelikut Azovstal në Mariupol iu dorëzuan ushtrisë ruse pas urdhrave të Kievit. Qyteti i Mariupolit është marrë nga rusët.
2 qershor – Forcat ruse avancojnë në Donbas dhe kontrollojnë 80% të Severodonetsk, pas ditësh avancimi me Kievin duke njohur “vështirësitë” e rezistencës. Rreth 800 persona po strehohen në bunkerë të ndryshëm kundërajror në bodrumin e fabrikës kimike Azot teksa dara është shtrënguar në të gjitha qytetet e rajonit.
