Kreu i PD, Sali Berisha është shprehur se kryeministri Edi Rama nuk do të arrijë të ndalë opozitën në denoncimet e saj kundër korrupsionit.
Gjatë mbledhjes me grupin parlamentar Berisha tha më tej se kryeministri Rama do të hetohet në çdo qelizë.
“Ne po ndalemi në një 137 fluturime, 22 mln euro dhe duhet të ndalemi. Në çdo vend të botës përbën një super skandal. Ky do të ndalojë opozitën, dhe nuk do ta lejojë opozitën ta hetojë. Por ne do ta hetojmë atë në çdo qelizë në çdo gjë që dyshohet se janë vjedhur taksapaguesit shqiptar. Nuk ka vend që nuk do ua kontrollonte dyshekët këtyre zyrtarëve ku dalin pa pritur mbi 500 mijë euro. Edhe në romanët e realizmit fantastik këtë nuk e gjen kurrë. U ndala tek të gjitha këto për të theksuar detyrat shumë të rëndësishme që ne kemi si grup parlamentar për të mbrojtur Kushtetutën dhe për mbrojtur besimin e votuesve që kanë votuar kundër Ramës dhe që ai kërkon të asgjësojë këtë. Ne kurrë nuk do ta pranojmë, por duhet të shumëfishojmë përpjekjet tona në parlament dhe ta shndërrojmë në tribunën më të fuqishme. Pusetat e llumit hapen çdo javë…Më 14 maj ecim të sigurt drejtë fitores.
