Ne dosjen e plotë te Prokurorisë, e cila kërkoi arrestimin e 4 personave për vrasjen e teknikut të kondicionerëve 26-vjeçarit, Indrit Çelaj, eshte edhe deshmia e Luan Çakes, nje nga personat e arrestuar per moskallezim krimi.
Ne deshmine e dhene ne prokurori, qe e disponon te plote “Panorama” ai ka treguar se ka qene me Indritin duke punuar ne katin e pare te viles.
“Pas rreth dy orësh, Indriti më ka thënë që të shkoja të blija cigare, një pije energjike dhe dy çokollata. Unë dola dhe jam kthyer pas rreth 15 minutash”- ka treguar ai.
Sipas tij, ku eshte kthyer, pa që dera kryesore e banesës ishte e mbyllur dhe aty ndodheshin të pestë punëtorët, të cilët nuk e kanë lejuar që të futej në banesë.
LUAN ÇAKA
I është marrë deklarim shtetasit Luan Çaka, i cili ndër të tjera ka deklasuar se: “Sot kam qenë te banesa ku ka ndodhur ngjarja dhe aty kam gjetur tre punëtorët e gipsit. Pas pak kanë ardhur edhe 2 elektricistë. Unë së bashku me Indritin kemi punuar në katin e parë. Pas rreth dy orësh, Indriti më ka thënë që të shkoja të blija cigare, një pije energjike dhe dy çokollata. Unë dola dhe jam kthyer pas rreth 15 minutash. Kur jam kthyer, pashë që dera kryesore e banesës ishte e mbyllur dhe aty ndodheshin të pestë punëtorët, të cilët nuk më kanë lejuar që të futem në banesë. U kam kërkuar shpjegime dhe nuk më kanë dhënë. Më pas jam larguar te makina ime. Derisa unë kam qenë në objekt, nuk ka pasur ndonjë problem”.
