Dy persona janë arrestuar në Fier, pasi janë kapur duke vjedhur në biznesin që i kishte punësuar si roje.
Mësohet se janë vënë në pranga Redjan Xhafa, 39 vjeç, banues në Kuman, Roskovec dhe Argestino Nushi, 25 vjeç, banues në Zharrëz, Patos, të dy punonjës SHPSF, të cilët kanë vjedhur një sasi vaji lubrifikant, naftë, venol, pombë hidraulike, prozhektor, ferrota, fuçi metalike, pronë të kompanisë Bankers Petrol.
Njoftimi i Policisë:
Vihen në pranga 2 shtetas, për vjedhje duke shpërdoruar detyrën.
-Specialistët për Hetimin e Krmit Ekonomik e Finaciar në DVP Fier ndaluan për veprën penale “Vjedhje e kryer duke shpërdoruar detyrën”, shtetasit Redjan Xhafa, 39 vjeç, banues në Kuman, Roskovec dhe Argestino Nushi, 25 vjeç, banues në Zharrëz, Patos, (të dy punonjës SHPSF).
Arrestimi i këtyre shtetasve u bë pasi në bashkëpunim me njëri tjetrin, duke shpërdoruar detyrën kanë vjedhur një sasi vaji lubrifikant, naftë, venol, pombë hidraulike, prozhektor, ferrota, fuçi metalike, pronë të kompanisë Bankers Petrol.
