Alice Little është punonjësja e seksin më e paguar në Nevada. Ajo rrëfen se puna e saj paragjykohet, është një punë degraduese, e vështirë, por njëkohësisht gjëja më e mirë që ka bërë në jetë.
“Çfarë do të thotë të jesh një punonjëse seksi? Epo, janë orë të gjata në parukeri, të cilat nuk do më kthehen kurrë mbrapsht. Janë 2500 dollarë në vit të shpenzuara për lubrifikantë dhe prezervativë. Por, detyra ime nuk është vetëm seksi pasi vazhdimisht bëhem edhe psikologe, këshilluese marrëdhëniesh dhe përherë lexoj libra, shoh video, ndjek leksione për çështje të seksualitetit, psikologjisë dhe sociologjisë. Nuk është vetëm aq sa mendon mendja juaj e kufizuar”.
Alice shpjegon se karriera i ka mësuar më shumë për burrat, gratë, veten dhe mënyrën si shoqëria e percepton seksin.
“Gjatë punës sime kam kaluar çaste me burra, gra, çifte, femra të vetmuara, të virgjëra, vejusha. Nuk ka vetëm një person që frekuenton bordellot, siç nuk ka një lloj personi që bëhet prostitutë. Disa nga kolegët e mi janë punëtorë pensionistë, ndërsa disa janë studentë të shkëlqyer.”
Ajo dëshiron që njerëzit të rishikojnë mënyrën se si e konceptojnë punën e saj, pasi nuk është thelbi vetëm tek seksi.
“Ju mund të mendoni se puna ime është vetëm seks, por ju siguroj që jeni shumë larg të vërtetës. Seksi është diçka e sigurt miq, atë e keni në tavolinë. Unë “shes” tjetër gjë – intimitet. Dhe nuk e merrni dot me mend sa element thelbësor është ai për shëndetin tonë fizik, mendor dhe emocional. Sa burra kanë humbur bashkëshortet dhe kanë nevojë vetëm për një përqafim? Sa njerëz me autizëm ka që duan thjesht të ndihen të sigurt në aftësitë e tyre? Unë e di që nuk do të jeni dakord të gjithë, por ne, individët e mijëvjeçarit të ri, po lëvizim drejt qëndrimeve të reja. Ose, të paktën duhet të lëvizim! Nëse puna e seksin nuk është e drejtë për ju, askush nuk do t’ju detyrojë të mendoni të kundërtën, por vetëm për një çast mendoni se çfarë efekti ka në shoqëri”, shton Little në intervistë.
