Personi që shikoni në foton më sipër është Renis Fajzolli, 34-vjeç, i cili u qëllua në zonën e Votanikës së Athinës me tre plumba nga autorë të paidentifikuar.
Kujtojmë se ngjarja ka ndodhur në orën 4:00 të mëngjesit në një park, në zonën në rrugën e Sidirokastros. Deri më tani sipas informacioneve të mediave të huaja bëhet me dije se autorët kanë qenë në një automjet me të cilin janë afruar më parë me 34-vjeçarin, e më pas e qëlluan tre here.
Fajzolli la makinën dhe eci me këmbë deri tek ekipi i ndihmës së shpejtë dhe policisë që ndodheshin të stacionuar në zonë. Është një nder zonat e “nxehta” përsa i përket kriminalitetit të Athinës dhe në kryqëzimet pranë, ka edhe ambulanca edhe policë të stacionuar. Nga fotot e siguruara nga media greke protothema.gr, efektivët e policisë kanë izoluar plagën e barkut që ka pësuar 34-vjeçari, i cili tashmë po trajtohet në spitalin “Georgios Gennimatas”.
34-vjeçari u arrestua në vitin 2019 për një çështje droge, por provat e deritanishme nuk tregojnë për përfshirjen e tij në ndonjë rast tjetër të rëndë.
