Ky është momenti i arrestimit në flagrancë ditën e sotme, të efektivit Kastriot Palushi,me detyrë oficer krimesh në Komisariatin nr. 4 në Tiranë.
Siç shihet edhe në video, Palushi shtrihet në tokë nga agjentët e Agjencisë së Mbikëqyrjes Policore dhe prangoset, për t’u shoqëruar më pas në rajon.
Burime për Report Tv, bëjnë me dije se ai ka dashur të arratiset nga vendngjarja por pa sukses.
Palushi akuzohet për veprat penale “shpërdorim detyre” dhe “korrupsion pasiv”, pasi dyshohet se i ka kërkuar një qytetari 50 mijë lekë për ta lehtësuar këtë të fundit nga një kallëzim ndaj tij.
