Janë publikuar pamjet e aksionit të RENEA-s, të zhvilluar mbrëmjen e kaluar në Durrës, Lezhë, Mamurrash dhe Elbasan.
Siç shihet nga videoja, efektivët e RENEA-s dhe Forcat e Posaçme Operacionale janë të armatosur me kallashnikovë dhe me maska në kokë, teksa rrethojnë banesat, ku ushtrojnë kontroll. Në pamje, shihet edhe momenti, kur RENEA arreston një person me rrezikshmëri, teksa e shtrin në tokë dhe i vë prangat.
Të arrestuar nga aksioni ishin tre persona, Dashamir Tafili, i akuzuar për armëmbajtje pa leje, Lorenc Habilaj, për shpërndarje te lendeve narkotike, si dhe Astrit Seferi, autori i plagosjes së katërfishtë në vitin 2017.
Policia thekson se gjatë kontrolleve të RENEA-s dhe Forcave të Posaçme Operacione në lokale, banesa, ambiente të ndryshme dhe vende të dyshuara për fshehje apo përdorim të lëndëve narkotike janë sekuestruar armë, municion luftarak, drogë.
