Ish anëtari i Këshillit Kombëtar të Partisë Demokratike, Edvin Kulluri ka “thumbuar” sërish Lulzim Bashën me anë të një postimi në llogarinë e tij në “Facebook”.
Reagimi me ironi i Kullurit vjen nga dy veprimet e fundit të kryera nga lideri demokrat i cili ka nënshkruar një kontratë me një pjesë të vogël të aktorëve të teatrit ku thotë se nuk do e shembë ndërtesën aktuale nëse ai vjen në pushtet si edhe një kontratë me një pjesë të banorëve të Unazës së Re të cilëve u premton se nuk do u shembë bizneset, edhe pse të ndërtuara pa leje.
Kulluri i sugjeron Bashës që të nënshkruajë një kontratë edhe me turistët e huaj ku t’u premtojë se sa të vijë ai në pushtet nuk do bëjnë fjalë apo rrahin njerëzit pronarët e lokaleve dhe hoteleve.
Postimi i plotë:
Pse nuk i këput një kontratë Luli me turistët se “sa të vije në pushtet nuk do bëjnë fjalë apo rrahin njerëzit pronarët e lokaleve dhe hoteleve”!
Se dy kontrata i bëri, t’i këpusë dhe një të tretë se i shtohen 4 milion vota! Si tha njeri “ më duhen 100 mijë euro! Po pse s’kërkon 500 mijë i thotë një shok, ti s’kenë s’ke as 100?!Bëje tamam, je që je”?!?!