Santa Claus, ose Babagjyshi, banon në New York, me origjinë nga Hollanda, dhe u bë fytyra e Krishtlindjeve në fillim të shekullit të 19.
Për një periudhë të gjatë kohe, Babagjyshi vizatohej bardhë e zi, gjithmonë me mjekër dhe me një thes dhuratash në shpinë, raporton The Guardian.
Tradita e një Babagjyshi me veshje të kuqe nisi në vitet 1870, kur karikaturisti Thomas Nast e paraqiti figurën e tij të veshur me një kostum të kuq, pellush të bardhë dhe rrip të zi. Nast publikoi një numër të konsiderueshëm karikaturash të Babagjyshit për Harper’s Weekly për më shumë se njëzetë vite.
Pse ky artist vendosi ta veshë me të kuqe Babagjyshin nuk e ka sqaruar ndonjëherë. Mendohet se u nis nga ikonografitë e Shën Nikolasit, në të cilat ai paraqitej me pelerina të kuqe. Ose ndoshta thjesht iu duk zgjedhja e duhur duke marrë parasysh se nëpër këngë Krishtlindjesh, Babagjyshi përshkruhej me hundë të kuqe dhe faqe rozë.
Për t’i mëshuar idesë që gjërat s’kanë kuptim, sot mësuam se arsyeja pse Babagjyshi është i kuq, është tërësisht rastësore.Përgatiti AlpeNews.al
